किथे अकेले में वेठो हूंदो!
उहो बि पाण सां दोखो हूंदो!
निरिड़ ते सोच जूं गहरियूं लीकूं,
किथे किथे वञी पहुतो हूंदो!
वराए कंधु थो मोॻनि वांगुर,
ज़रूर गूंगो या ॿोड़ो हूंदो!
अखियुनि जी मुरिक लिकाए थो वञे,
रहियो को दर्द अधूरो हूंदो!
कॾहिं त पाणमुरादो मुरिके,
पुराणे प्यार जो सपनो हूंदो!
वणनि पननि ऐं गुलनि जियां सुरहो,
हवा सां हुनजो को रिश्तो हूंदो!
करे थो पाण सां बड़-बड़ हासिद,
थियो को ज़ोर सां खड़िको हूंदो!श