भारत की संस्कृति के लिए... भाषा की उन्नति के लिए... साहित्य के प्रसार के लिए
कुझ न हूंदो, त कुझ बि थी पवंदो! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:13, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
कुझ न हूंदो, त कुझ बि थी पवंदो!
कोई चवंदो बि जे, त छा चवंदो!
रात, कंहिं सर्द बूट जी आहट,
स्वास कंहिंजो बि हुजे, वणंदो!
रोशनीअ मां छणियल पननि वांगुर,
सुबह धरतीअ जी मुरिक खे छुहंदो!
चील जा वण डिघा-डिघा पाछा,
बरफ़ में सिजु अलाजे किअं लॻंदो!
आबशारनि मां के फुड़ा किरंदा,
कोई आकार फेण मां ठहंदो!
पेचिरो ऐं ॾिंगा-फिॾा पत्थर,
को परे खां परे वञे हलंदो!
तूं जे हासिद चवीं, किथे तरिसूं,
पर किथे, किनि घड़ियुनि मां छा वरंदो!
