भारत की संस्कृति के लिए... भाषा की उन्नति के लिए... साहित्य के प्रसार के लिए

कुण बिछावै ऐ चौपड़ पासा, समझ तूं / सांवर दइया

Kavita Kosh से
Neeraj Daiya (चर्चा | योगदान) द्वारा परिवर्तित 03:58, 12 अक्टूबर 2011 का अवतरण ('{{KKGlobal}} {{KKRachna |रचनाकार=सांवर दइया |संग्रह=आ सदी मिजळी मरै /...' के साथ नया पन्ना बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

कुण बिछावै ऐ चौपड़ पासा, समझ तूं
कुण रचै छळ छंदां री भाषा, समझ तूं

बात लाखीणी-सूरज काटै अंधारो
पण बो कठै लेवै रातवासा, समझ तूं

अठै लागै लाय, बठै मुजरो चालू
कुण करावै ऐ राफड़रासा, समझ तूं

आ रेत थारी, औ पसीनो ई थारो
फेर घरां क्यूं भूख-तमासा, समझ तूं

आ तपती रेत ई आपणी औकात है
तपती रेत री तपती भाषा, समझ तूं