Last modified on 24 जून 2020, at 16:28

कौवा काग के राज भेंटाईल / गुलरेज़ शहज़ाद

Jalaj Mishra (चर्चा | योगदान) द्वारा परिवर्तित 16:28, 24 जून 2020 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

कौवा काग के राज भेंटाईल
दादा रे दादा
सगरो सुन्नर गीत हेराईल
दादा रे दादा

अट्टा पट्टा मारे झपट्टा 
नोंच ले गईल सब
अंजरा पंजरा भईल घवाहिल,
दादा रे दादा

हमरे कान्हि पs लात धइ के
भेंटल रजधानी
हमके छोड़लें जीरो माईल
दादा रे दादा

पंडित ज्ञानी टुकुर टुकुर
टुअर अस ताकेलें
राज करेलें हम पे जाहिल
दादा रे दादा

जातिवाद के आन्ही में
सब देख रहल बा लोग
रिस्ता नाता के उधियाईल
दादा रे दादा

धरम के नागिन फुंफ्के
बाजल रजनीती के बीन
नेह रीत के मुंह पियराईल
दादा रे दादा