भारत की संस्कृति के लिए... भाषा की उन्नति के लिए... साहित्य के प्रसार के लिए

गंवइहा बनन दे / नूतन प्रसाद शर्मा

Kavita Kosh से
Dkspoet (चर्चा | योगदान) द्वारा परिवर्तित 14:17, 9 जनवरी 2017 का अवतरण ('{{KKGlobal}} {{KKRachna |रचनाकार=नूतन प्रसाद शर्मा |संग्रह= }} {{KKCatGeet}} {...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

तंय हा बन जा सबो जग के मालिक।
मोला गांव गंवई के गंवइहा बनन दे।

कर ले कब्‍जा समुन्‍दर मं तंय हा,
मोला गगरी के पानी पियन दे।
चाह नइये बनंव तोर अतका,
मंय हा सुख हंव अभी हवे जतका।
देखमरी नइ करव काकरो पर,
मंय अपन मं तंय रहिबे अपन मं।
भर ले अन धन के कोठी जी तंय हा,
मोर पीये बर पसिया रहन दे।

तंय हा बन जा सबो जग के मालिक।
मोला गांव गंवई के गंवइहा बनन दे।

रेंग डामर सिरमिट के सड़क मं
नइ सुहाये पयडगरी हा तोला।
चढ़ जा मोटर जहाज अउ रेल म,
बइला गाड़ी अउ गाड़ी दे मोला।
ले ले चम्‍पा - चमेली गुलाब ला,
गोंदा - मोंगरा चिरैय्या रहन दे।

तंय हा बन जा सबो जग के मालिक।
मोला गांव गंवई के गंवइहा बनन दे।

घूम ऊपर अकास अउ अकास मं
ध्‍ारती मंइया के पंइया परन दे।
आनी - बानी के कपड़ा पहिर ले,
पर गंवई के पहनावा मोला पहिरन दे।
बस जा बंगला अटारी मं तंय हा,
फूटे कुरिया मं मोला, बसन दे।

तंय हा बन जा सबो जग के मालिक।
मोला गांव गंवई के गंवइहा बनन दे।