भारत की संस्कृति के लिए... भाषा की उन्नति के लिए... साहित्य के प्रसार के लिए
गीत 10 / चौदहवां अध्याय / अंगिका गीत गीता / विजेता मुद्गलपुरी
Kavita Kosh से
Lalit Kumar (चर्चा | योगदान) द्वारा परिवर्तित 01:37, 18 जून 2016 का अवतरण ('{{KKGlobal}} {{KKRachna |रचनाकार=विजेता मुद्गलपुरी |अनुवादक= |संग...' के साथ नया पृष्ठ बनाया)
जे जन द्रष्टा भाव रखी, तीनों गुण से उबरै छै
एकी भाव रखी केॅ परमेश्वर के नित सुमरै छै।
रहै निरन्तर आतम भाव में
दुख-सुख के सम जानै,
मिट्टी-पत्थर और स्वर्ण के
एक भाव पहचानै,
शुभ अरु अशुभ एक सन मानै, भेद न मन उपजै छै।
निन्दा और प्रशंसा दोनों
एक रंग जे मानै,
मान और अपमान भाव
तनियों नै मन में आनै,
उत्तम मध्यम नीच न जानै, सब के सम समझै छै।
जग में कोनोॅ अपन आन नै
सब समान सन लागै,
रहै देह में भी विदेह सन
ब्रह्म भाव जब जागै,
सब इन्द्रिय के जे समेट केॅ, अन्तः में उतरै छै
जे जन द्रष्टा भाव रखी, तीनों गुण से उबरै छै।
