घर घर डोलऽहे नउनियाँ, त हाथ ले महाउर हे / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

घर घर डोलऽहे<ref>डोलती फिरती है</ref> नउनियाँ,<ref>नाइन</ref> त हाथ ले महाउर<ref>महावर</ref> हे।
राजा, मोरा तूँ रँगा दऽ पियरिया<ref>पीले रंग की साड़ी</ref> महल उठे सोहर हे॥1॥
जसोदा जी नंद के बोलाय के सभे हाल पूछल हे।
राजा, गुनी<ref>गुणी जन</ref> सभ अधिको न जाँचथि, हिरदा जुड़ाइ देहु<ref>शीतल कर दो, संतुष्ट कर दो</ref> ना॥2॥
नंद कयलन धनदान से<ref>सो, इसलिए</ref> मन हरखायल हे।
गेयानी गुनी सभ भेलन नेहाल<ref>निहाल, सकल मनोरथ सिद्ध</ref> अउरो कुछ चाहिए हे?॥3॥
किया तोरा चाह हउ<ref>इच्छा है</ref> नउनियाँ, माँगु मुँह खोली खोली गे।
नउनियाँ, देबऊ में अजोधेया के राज, आउरो कछु चाहही<ref>चाहती हो</ref> गे॥4॥
हँसि हँसि बोलहइ नउनियाँ त सुनहु बचन मोरा हे।
राजा हम लेबो सोने के सिकड़िया, अजोधेया राज की करब हे?॥5॥
जसोदा जी देलकन<ref>दी</ref> सिकड़िया, रोहन<ref>रोहिणी, बलदेव की माँ</ref> गल हाँसुल<ref>गले में पहनने वाली हँसुली</ref> हे।
राजा देलन पाट पिताम्बर, महल उठे सोहर हे॥6॥
आवहु नयना<ref>सुनयना नाम की स्त्री</ref> से गोतनी अउरो सभ सुन्नर<ref>सुन्दरियाँ</ref> हे।
गावहु आज बधइया, महल उठे सोहर हे॥7॥
बूढ़ीं सूढ़ी देलकन असिसववा जुअहु<ref>स्वस्थ होकर बढ़ो, युवक हो</ref> पूत पंडित हे।
ललना, सुनरी के नयना जुड़ायल लोग बाग हरखित हे॥8॥
जे इह सोहर गावल, गाइ सुनावल हे
ललना जलम जलम अहियात, पुतर फल पावल हे॥9॥

शब्दार्थ

<references/>