घुघ्घ ऊंदहि मां नेण घूरिनि था!
केॾो चमकी पवनि था सन्नाटा!
के तसव्वुर, के ज़ल्ज़ला भुणिकनि!
दिल में आहिनि रखियल जो थांईका!
तिनि मां आहट ॿुधणु आ चाही मूं,
जे कॾहिं भी खुलिया न दरवाजा!
ढेर वारीअ जा, ॾिसु चमक तिनि जी,
पंहिंजी तहज़ीब, अक्स ही उनजा!
गं/ढि खोले, वरी बि ॻंढि ॿधइ,
केसीं काबूअ में रखंदें वाचूड़ा!
तुंहिंजी भरि में वॾा वॾा माण्हू,
मुंहिंजे भरिसां जे, से त वेचारा!
तोखे हासिद ॾिसणु वणनि था किअं,
टेॾा, बिंदरा, डिघा ही आईना!