घोर कुकर्मन कौ खा रये हैं ।
नासमिटे सो गर्रा रये हैं ।
पढ़ गए कारौ कोट पैर लऔ,
ई खौं ऊ सें उरझा रये हैं ।
मास्साब मौड़न सें देखौ,
गुटका बीड़ी मंगवा रये हैं ।
बाबू जी रिश्पत लै लै कें,
साहब जी खौं पौंचा रये हैं ।
थानन की लीलामी हो रई,
जुलम दरोगा जी ढा रये हैं ।
चमचा मंत्री के मौड़न खौं,
हगा मुता रये सोंचा रये हैं ।
जोंन कमाऊ पूत मन्त्री,
वे मुखमन्त्री खौं भा रये हैं ।
बड़े साब नेतन खौं जूता,
पाँव पकर कें पैरा रये हैं ।