चनन काटिए काटि, पिढ़वा बनयबइ सिवसंकर हे / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

चनन काटिए काटि, पिढ़वा<ref>पादपीठ, पीढ़ा</ref> बनयबइ सिवसंकर हे।
से पिढ़वा रामजी बइठयबइ, सुनहु सिवसंकर हे॥1॥
सोना के पइलवा<ref>पइला, नापने का एक माप जो बरतन के आकार का होता है। किन्तु यहाँ उसी आकार के सिन्धोरे से तात्पर्य है। काठ का कठोरानुमा बरतन, जिसमें सिंदुर, सन आदि रखे जाते हैं।</ref> में सेनुरा धरबहइ सिवसंकर हे।
सीता के मँगिवा भरयबइ, सुनहु सिवसंकर हे॥2॥
सोना के परियवा<ref>थाली</ref> में अछत धरबवइ सिवसंकर हे।
सेहु अछत रामजी चुमयबइ, सुनहु सिवसंकर हे॥3॥
घुमावे चखली में सासु मनाइन<ref>गौरी की माँ मेनका, मैना</ref> सिवसंकर हे।
चुमि-चुमि देल असीस, सुनहु सिवसंकर हे॥4॥
जुग-जुग जियजिन रामचंदर सिवसंकर हे।
होइहो अजोधेया के राजा, सुनहु सिवसंकर हे॥5॥

शब्दार्थ

<references/>