भारत की संस्कृति के लिए... भाषा की उन्नति के लिए... साहित्य के प्रसार के लिए

चान फिर चमकलो / रामकृष्ण

Kavita Kosh से
Sharda suman (चर्चा | योगदान) द्वारा परिवर्तित 12:28, 3 मार्च 2019 का अवतरण ('{{KKGlobal}} {{KKRachna |रचनाकार=रामकृष्ण |अनुवादक= |संग्रह=संझा-व...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

चाननी के आसे-पासे
फूल जे महकलो हे
गन्ह में नहाके एगो
भाव सन्सहकलो हे॥
दूर के सिमाना में
आझ सपना जे ऊगल।
भूल के भुलैआ में
नेह के कनी जे फूजल।
ओही पंछहरी में
गरबैया चहकलो हे॥
आसके समुन्नर में
झाँझ हे मनीरा हे।
साँस के मनिरवा में
गीत भरल पीरा हे॥
अखरे सिनेहिआ के
छंद फिन बहकलो हे॥
पान के न चन्नन के
धूप के न बाती के
साँझ भरल जिनगी के
बात हे, सँघाती के।
नीन में ऊबल-डूबल
चान फिन चहकलो हे॥