भारत की संस्कृति के लिए... भाषा की उन्नति के लिए... साहित्य के प्रसार के लिए
चुनलीं त फूल काँट के बटीर आ गइल / तैयब हुसैन ‘पीड़ित’
Kavita Kosh से
Mani Gupta (चर्चा | योगदान) द्वारा परिवर्तित 16:18, 1 अक्टूबर 2013 का अवतरण ('{{KKGlobal}} {{KKRachna |रचनाकार=तैयब हुसैन ‘पीड़ित’ |अनुवादक= |सं...' के साथ नया पन्ना बनाया)
चुनलीं त फूल काँट के बटीर आ गइल
जब-जब हँसे के चहलीं तबे लोर आ गइल
देखले रहीं अन्हार से पहिले के अँजोरा
बुझलीं कि रात बीत गइल भोर आ गइल
दोसरा के जरावेला जे धीरे बहल हवा
हमरा के बुतावेला, उहे जोर आ गइल
शीशा खराब बा कि ई नजरे के ह कसूर
आपन देखे के चहलीं, सूरत तोर आ गइल
मँगले रहीं त सामिले जिनगी के सब सवाद
अँजुरी में दुखे ढेर, खुशी थोर आ गइल