चोला माटी के हे राम /छत्तीसगढ़ी
|
रचनाकार: अज्ञात |
- मराठी लोकगीत
- मालवी लोकगीत
- राजस्थानी लोकगीत
- गुजराती लोकगीत
- भोजपुरी लोकगीत
- पंजाबी लोकगीत
- गोंड लोकगीत
- माड़िया लोकगीत
- हरियाणवी लोकगीत
- संस्कृत लोकगीत
- बाँगरू लोकगीत
- मैथिली लोकगीत
- कश्मीरी लोकगीत
- संथाली लोकगीत
- बुन्देली लोकगीत
- बांग्ला लोकगीत
- भदावरी लोकगीत
- छत्तीसगढी लोकगीत
- अवधी लोकगीत
- ब्रजभाषा लोकगीत
- कुमाँऊनी लोकगीत
- गढ़वाली लोकगीत
- खड़ी बोली लोकगीत
- कन्नौजी लोकगीत
- निमाड़ी लोकगीत
- मगही लोकगीत
- हिन्दी लोकगीत
- हिमाचली लोकगीत
चोला माटी के हे राम
एकर का भरोसा, चोला माटी के हे रे
चोला माटी के हे हो
हाय चोला माटी के हे राम
एकर का भरोसा, चोला माटी के हे रे
द्रोणा जइसे गुरू चले गे
करन जइसे दानी संगी, करन जइसे दानी
बाली जइसे बीर चले गे, रावन कस अभिमानी
चोला माटी के हे राम
एकर का भरोसा, चोला माटी के हे रे
कोनो रिहिस ना कोनो रहय भई आही सब के पारी
एक दिन आही सब के पारी
काल कोनो ल छोंड़े नहीं राजा रंक भिखारी
चोला माटी के हे राम
एकर का भरोसा, चोला माटी के हे रे
भव से पार लगे बर हे ते हरि के नाम सुमर ले संगी
हरि के नाम सुमर ले
ए दुनिया मा आके रे पगला जीवन मुक्ती कर ले
चोला माटी के हे राम
एकर का भरोसा, चोला माटी के हे रे
चोला माटी के हे हो
हाय चोला माटी के हे राम
एकर का भरोसा, चोला माटी के हे रे
हाय चोला माटी के हे राम
एकर का भरोसा, चोला माटी के हे रे …
