जसोदा तोहर भाग बड़ा लहबर नंदरानी / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

बधैया

जसोदा तोहर भाग बड़ा लहबर<ref>लहलहाता हुआ; हरा भरा</ref> नंदरानी।
देवोकी<ref>देवकी, वसुदेव की पत्नी</ref> तोहर भाग बड़ा लहबर हे रानी॥1॥
काहाँ जलमलन<ref>जन्म</ref> हे जदुनन्नन, काहाँ बाजत हे बधावा नंदरानी।
देवोकी घर में जलमलन जदुनन्नन, गोकुला में बाजत बधावा नंदरानी॥2॥
काहे के छूरी से नार छिलायल,<ref>छीला गया, काटा गया</ref> काहे के खपर<ref>झारी सदृश बरतन, खप्पर</ref> नेहलायल नंदरानी।
सोने के छूरी से नार छिलायल, रूपे के खपर नेहलायल नंदरानी॥3॥
काहे के उजे<ref>वह जो</ref> अँगिया<ref>चुश्त कुरता</ref> टोपिया, केकरा के तू पहिरयबऽ नंदरानी।
रेसमी के उजे अँगिया टोपिया, केकरा के तू पहिरयबऽ नंदरानी।
रेसमी के उजे अँगिया टोपिया, अपन लाला के पहिरायब नंदरानी॥4॥
केरे<ref>कौन</ref> लुटवथि अन, धन, लछमी, केरे लुटावथि मोती नंदरानी।
नंद लुटावथि अन, धन, लछमी, जसोदा लुटावथि मोती नंदरानी॥5॥
अइसन<ref>ऐसा</ref> जलम लिहल जदुनन्नन, घर बाजे बधावा नंदरानी॥6॥

शब्दार्थ

<references/>