भारत की संस्कृति के लिए... भाषा की उन्नति के लिए... साहित्य के प्रसार के लिए
जस ई जिनिगी / चंद्रभूषण पाण्डेय
Kavita Kosh से
सेमर के फुल
लाल टहकार
मजेदार समझदार
खिलेला त
झर जाली पतऽइ
बांच जाला फुल
लाल टहकार
मजेदार समझदार
ठुठ के रुप लेले
आपन आपन फेड़न प
सुग्गा के ठोर
लाल टहकार
मजेदार समझदार
मारेला ठोर फेन
सवाद खाति त
छितरा जाला फुल
रसदार मालदार
उड़ जाली रुई
होईके सवार
बगबग उजर पांखन प
सपनवाँ असहीं
लऽउके मालदार
मजेदार समझदार
आंख खुलेला त
जिनगी लऽउके
धारदार झोलदार
दमदार असरदार
बांच जाला ठुठ फेंड़
जस ई जिनिगी
आपन आपन कसौटिन प
