भारत की संस्कृति के लिए... भाषा की उन्नति के लिए... साहित्य के प्रसार के लिए

ज़िन्दगीअ जूं घड़ियूं, बस कयो, न हाणे सतायो / एम. कमल

Kavita Kosh से
Lalit Kumar (चर्चा | योगदान) द्वारा परिवर्तित 00:37, 6 अक्टूबर 2016 का अवतरण ('{{KKGlobal}} {{KKRachna |रचनाकार=एम. कमल |अनुवादक= |संग्रह=बाहि जा व...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

ज़िंदगीअ जूं घड़ियूं, बस कयो, न हाणे सतायो।
मूं खे निन्ड अचे थी, मुंहिंजो हंधु विछायो॥

ही खिंवणि जो तमाशो, ऐं ही खेलु हवा जो।
दिल खे खू़ब वणियो पर, हाणे मींहुं वसायो॥

माठि जी सुई आवाज़नि जा चप सिबी वेई।
कूक दांह अखियुनि सां ई ॿुधो ऐं ॿुधायो॥

छा मिलियोसे किताबनि जे उजाले में भिटिकी?
जिंअं जो तिअं ई रहियो अॼु भी, अंधेरे जो सायो॥

दिल ते चोट सहण जो लुत्फु़ याद ॾियारियो।
अॼु त उन ई अदा सां मुरिकी, नेण मिलायो॥