भारत की संस्कृति के लिए... भाषा की उन्नति के लिए... साहित्य के प्रसार के लिए
जीवन चाल चलन नईं दै रये / महेश कटारे सुगम
Kavita Kosh से
अनिल जनविजय (चर्चा | योगदान) द्वारा परिवर्तित 20:54, 25 दिसम्बर 2014 का अवतरण
जीवन चाल चलन नईं दै रये ।
मूतन और हगन नईं दै रये ।
सत्यानाश करौ बगिया कौ,
फूलन और फलन नईं दै रये ।
ठाण्ढौ कर दऔ डर कौ पैरौ,
कोउ खौं कितऊँ हलन नईं दै रये ।
भूखौ प्यासौ बैठारें हैं,
घर सें मनौ भगन नईं दै रये ।
उनकौ तौ मुर्गा रंध रऔ है,
कोउ की दार गलन नईं दै रये ।
एक जात तौ आत दूसरी,
आफत सुगम टरन नईं दै रये ।
