जूनको छाया / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » आफैँ आफ्नो साथी भएँ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

पानीभित्र जूनको छाया जूनैजस्तो लाग्छ
ओइलाएको थुँगा देख्छु उनैजस्तो लाग्छ

घुम्टोभित्र सुँक्कसुँक्क पीर लुकाउँदै
मलाई मेरो जिन्दगी बाँच्न सिकाउँदै
टाढा हुँदा दोष पनि गुणैजस्तो लाग्छ
ओइलाएको थुँगा देख्छु उनैजस्तो लाग्छ

बलेसीझैँ नजरको पानी बगाइले
बस्ती डुब्यो बाढीमा भत्केँ विदाइले
उनलाई पनि त्यस्तै होला मलाई जस्तो लाग्छ
ओइलाएको थुँगा देख्छु उनैजस्तो लाग्छ

छुट्दाखेरी भन्थिन् उनी मन बुझाउनू
पीर सबै बिर्सिएर सधैँ मुस्काउनू
त्यति ख्याल कस्ले गर्ला आज यस्तो लाग्छ
ओइलाएको थुँगा देख्छु उनैजस्तो लाग्छ