भारत की संस्कृति के लिए... भाषा की उन्नति के लिए... साहित्य के प्रसार के लिए
जो जाना-पहिचाना होई / बोली बानी / जगदीश पीयूष
Kavita Kosh से
सशुल्क योगदानकर्ता ४ (चर्चा | योगदान) द्वारा परिवर्तित 07:47, 24 मार्च 2019 का अवतरण
बरबर बरबर लाग रहति है
इहिका मउत न आवै
कबहूँ राति राति भरि खाँसै
जोर जोर गोहरावै
आपनि करनी भूलि बैठ है
दुसरेन का ट्वाकति है
लबर-लबर दिन-राति करति है
अपनै का स्वाचति है
तनकी तनकी बातन पर यू
मुहु भरि गरियावै
लरिकन ते दुसमनी निभावै
घुइरि घुइरि खउख्याय
हुक्का पियै दुवारे बइठै
अकझै औ चिल्लाय
अतनी ताकत है की के की-
बुढ़वा का समुझावै