झिंझिणु नओं नओं थो हथनि में खंयो हलीं!
कोई ॿुधे न तोखे, मगर तूं वॼीं वॼीं!
हिन खंडहर जे रंग ऐं रोग़न जी ॻाल्हि करि,
पटिको ॿधी मथे ते रुॻो थो घिटियूं घुमीं!
नाहक वठीं थो रब्ब जो नालो घड़ीअ घड़ीअ,
सभु कुझ लिखियलु आ चेहरे ते, छा थो ढके ढकीं!
खंजर जो तोते वारु त मुम्किन नथे लॻे,
कंहिं उस-छांव जे हथां, ॾारूं न थी पवीं!
के वहकरा, के पंध न तरिसिया कॾहिं किथे,
तूं पेरु-पेरु मापे ऐं तोरे अचीं-वञीं!
तू तारा केॾा नाद, वॼनि शहर-शहर था,
हिम्मथ ॿधी जे वक्त खां, टिणि-मिणि खसे वठीं!
हासिद रखियो तो कंहिंजो बि कहिड़ो लिहाज़ आ,
टोकीं थो कंहिं खे, कंहिं ते थो टह-टह करे खिलीं!