भारत की संस्कृति के लिए... भाषा की उन्नति के लिए... साहित्य के प्रसार के लिए

डाळी / सुन्दर नौटियाल

Kavita Kosh से
Abhishek Amber (चर्चा | योगदान) द्वारा परिवर्तित 11:55, 17 फ़रवरी 2020 का अवतरण ('{{KKGlobal}} {{KKRachna |रचनाकार=सुन्दर नौटियाल }} {{KKCatGadhwaliRachna}} <poem> यौं...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

 
यौं डाल्यों तैं बचावा, यौं डाल्यों थैं संमाळा ।
यौं रोपा यौं पर्वाआ, यौ सैंता यौं थैं पाळा ।

यौंकि माटी पर जकड़ छा, यौंकि पाणी पर पकड़ छा -2
माटी थैं पकड़ी लेंद, न बगण देंद पाणी ।
यौं डाल्यों तैं बचावा.................... ।
यौं रोपा यौं पर्वाआ .........................।
यी दिन म बणौंदीन खाणु, हम सबुका हिस्सा जु आणु -2
यी प्राण हवा छोड़दीन, ज्यांसि चलदू जीवन प्राणी ।
यौं डाल्यों तैं बचावा.................... ।
यौं रोपा यौं पर्वाआ .........................।

यौंका जड़ तना पति फल फूल, धरती पर जिवन कु मूल -2
घास, लखड़ा, पाणी देंदा, देंदा जड़ि बुटि औषद दानी ।
यौं डाल्यों तैं बचावा.................... ।
यौं रोपा यौं पर्वाआ .........................।

यौं पर पोथलों कु कुल्यौं छा, कति जीवों कु घरबस्यौं छा -2
यौंकि ढोढ जड़यौं मा रैक, पळणा न कै-कै प्राणी ।
यौं डाल्यों तैं बचावा.................... ।
यौं रोपा यौं पर्वाआ .........................।

यौं काटा न आरी चलावा, यीं धरती थैं बचावा -2
राली डाळी बचीं धरती पर तबि राली हवा-पाणी ।
यौं डाल्यों तैं बचावा.................... ।
यौं रोपा यौं पर्वाआ .........................।