भारत की संस्कृति के लिए... भाषा की उन्नति के लिए... साहित्य के प्रसार के लिए
ढाई आखर / परिचय दास
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 19:30, 1 अगस्त 2020 का अवतरण ('{{KKGlobal}} {{KKRachna |रचनाकार=परिचय दास |अनुवादक= |संग्रह= }} {{KKCatBhojpu...' के साथ नया पृष्ठ बनाया)
प्रेम इतना असान ना ह
जेतना असान समझल जाला
ई कठिन ह ओतने
जेतना कठिन ह जिंदगी के राह
जइसे शब्द बनेलें प्रार्थना के मंत्र
आ अंतस में उतरल चल जालें
वइसहीं कवनो मानुष गंध बनेले प्रेम
आ हमनीं के अतल तल में उतारत चल जालीं
प्रेम तोरेला अर्धरात्रि के दारुन सन्नाटा
पृथ्वी -लय के अनुकूल बनावेला
देला बास-सुबास आत्मा के कोना के
अकास में लटकत पुष्प-गुच्छ चूम लेला।
संसार में हमनीं के अनन्यता सिद्ध करेला ई प्रेम
प्रेम एतना कठिन ना ह
जेतना समझल जाला
ई सहज ह ओतने
जेतना मनई के आदिम सुभाव।
