तिमी आकाशको जून भयौ
म त याँहाको धूलो हुँ
तिमी फुलेको फूल भयौ
म त झरेको पात हुँ
तिमी आकाशको जून भयौ
म त याँहाको धूलो हुँ
काँहा हुन्छ सङ्गम धरती र आकाशको
काँहा हुन्छ मिलन हाँसो र रोदनको
तिमी पूर्णेको जून भयौ
म त औंशीको रात हुँ
तिमी फुलेको फूल भयौ
म त झरेको पात हुँ
तिमी आकाशको जून भयौ
म त यहाँको धूलो हुँ
खसालीदेऊ मलाई आँखाको पाप भनेर
नदेऊ बाटो मलाई मुटुको धडकन् भनेर
तिमी बिहानी किरण भयौ
म त जलेको खाक हुँ
तिमी फुलेको फूल भयौ
म त झरेको पात हुँ
तिमी आकाशको जून भयौ
म त यहाँको धूलो हुँ