युवक-
तिमी देख्दा रहर होला लागेर आउँछ
त्यसै त्यसै जिन्दगी मेरो जागेर आउँछ
युवती-
तिमी देख्दा नवैनारी गलेर आउँछ
छातीभरी लाजैलाज भरेर आउँछ
युवक-
रोकूँ भन्छु हाँसो आफै फुटेर आउँछ
के हुन लाग्यो आफ्नै माया लागेर आउँछ
युवती-
नसोची आज भावनाहरू उर्लेर आउँछ
आफ्नै मुटु पराई पराई लागेर आउँछ
युवक-
नभनी मैले जिन्दगी मेरो तिमीमा फ्याँकेछु
व्यर्थैमा आज पछुतो मलाई लागेर आउँछ
युवती-
हाँसखेल गर्दा मुटु नै मैले चुँडाई बाँडेछु
पीरले पनि पापीको माया लागेर आउँछ