भारत की संस्कृति के लिए... भाषा की उन्नति के लिए... साहित्य के प्रसार के लिए
तूं कहिं लइ कंहिं लइ सोचींदें, ऐं सोचण मां भी छा वरंदो! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:31, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
तूं कहिं लइ कंहिं लइ सोचींदें, ऐं सोचण मां भी छा वरंदो!
जे वण न कॾहिं भी छांव ॾियनि, से पोखण मां भी छा वरंदो!
हर वाट, रोशनी ॿाट मिसल, त बि दिल खे किअं किअं ॾढ था ॾियूं,
लेकिन जे दिलासा बार लॻनि, से ढोइण मां भी छा वरंदो!
किअं सर्द हवा खे छिड़ॿींदें, छा बाहि खे बाहि चई सघंदें,
थी धूड़ि वसे, ही वाचूड़ा, मुंह खोलण मां भी छा वरंदो!
का बेबाकी, को शर्म हया, मुशिकल आ मन जी ॻाल्हि चवणु,
हिन रीत- रम्ज़ जी दुनिया में, कुझ ॻोल्हण मां भी छा वरंदो!
मां पाणु पॾाइण वारनि मां, तूं वात-वॾो ऐं हाम हणीं,
हासिद हू सभु, हरफ़न मौला, पर टोकण मां भी छा वरंदो!
