भारत की संस्कृति के लिए... भाषा की उन्नति के लिए... साहित्य के प्रसार के लिए
तूफान खे बहाने सां रोके सघियो न को! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:24, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
तूफान खे बहाने सां रोके सघियो न को!
अॼु कल्ह जे कंहिं गुनाह ते सोचे सघियो न को!
रिण-पट में वण किथे बि नज़र कोन थो अचे,
हिकड़ो हसास जज़्बो बि पोखे सघियो न को!
पाछनि जे आहटुनि, या हवा खां कंबियो थे दर,
हिम्मथ ॿधी, कड़ो उथी, खोले सघियो न को!
गूंगा बणी मज़ाक उॾाइणु सिखी वठूं,
टहकनि जा ॾाढ-जु़ल्म त, तोरे सघियो न को!
गुज़री हयात सोच जे पंधनि में भटकंदे,
का हिक नज़र बि कुर्ब जी ॻोल्हे सघियो न को!
गुस्ताख थींदी-थींदी वई दिल जी आरजू,
मन जे नज़ाकतुनि खे जो, ओरे सघियो न को!
कंहिं खे सॾिनि ज़मीर था, हासिद ख़बर अथई,
हिकु मर्म, जंहिं जे अहम खे धोॾे सघियो न को!
