भारत की संस्कृति के लिए... भाषा की उन्नति के लिए... साहित्य के प्रसार के लिए
तेरे प्यार मै पागल होगी, रोटी तक ना खाई / ललित कुमार
Kavita Kosh से
Lalit Kumar (चर्चा | योगदान) द्वारा परिवर्तित 14:15, 24 अगस्त 2018 का अवतरण
तेरे प्यार मै पागल होगी, रोटी तक ना खाई,
सारी रात रही लौटती, नींद तलक ना आई || टेक ||
अग्नि देव सा रूप तेरा, क्यूँ चेहरे पै छाई उदासी,
राणी बणन की नहीं जरूरत, मै रह्ल्यु बणकै दासी,
मैं तेरे प्रेम की घणी प्यासी, क्यूँ इतनी वार लगायी ||
न्हा-धौकै सिंगार करू, पहरु कंठी माला मै,
या कोडिया के भा की दासी, तोल दई लाला मै,
आज रात नृतशाला मै, तू कर लिए मन की चाही ||
पांच पतियों से मनै डर लागै, मेरी करै काटकै ढेरी,
उन पांचो नै दे मार एकबै, फेर बहूँ बणू मै तेरी,
आकाश मै वै काटै घेरी, मेरै सिर चढ़ज्या करड़ाई ||
जब तक जीवै मेरे पति, न्यू रहणा हो डर-डर कै,
जै उननै जाण पाटज्या, मेरा पांडै छूटै मर कै,
ललित कुमार नै भक्ति करकै, करी प्रसन्न दुर्गे माई
