Last modified on 2 सितम्बर 2013, at 15:31

दस्तक के किवाड़न प असर होइ के रही / रामेश्वर सिन्हा 'पीयूष'

Lalit Kumar (चर्चा | योगदान) द्वारा परिवर्तित 15:31, 2 सितम्बर 2013 का अवतरण ('{{KKGlobal}} {{KKRachna |रचनाकार=रामेश्वर सिन्हा 'पीयूष' |अनुवादक= |...' के साथ नया पन्ना बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

दस्तक के किवाड़न प असर होइ के रही,
धनकी समय के आग, लहर होइ के रही।

अलगाव बा लगाव प पत्थर चला रहल,
सीसा के चूर-चूर जिगर होइ के रही।

जब हुश्न बेनकाब जवानी के मोर पर,
अइसे में यार चार नजर होइ के रही।

मन के खिली गुलाब, गंध नेह के उड़ी,
दुनिया में ऊ बिहान सुघर होइ के रही।

कुछ ए तरे बदलाव बा हवा में आ गइल,
‘पीयूष’ अब त गाँव शहर होइ के रही।