भारत की संस्कृति के लिए... भाषा की उन्नति के लिए... साहित्य के प्रसार के लिए
दाळ में काळो / इरशाद अज़ीज़
Kavita Kosh से
आशिष पुरोहित (चर्चा | योगदान) द्वारा परिवर्तित 17:17, 15 जून 2020 का अवतरण ('{{KKGlobal}} {{KKRachna |रचनाकार= इरशाद अज़ीज़ |अनुवादक= |संग्रह= मन...' के साथ नया पृष्ठ बनाया)
बैठ्या मटका करो
मारो सबड़का
रगत रो पसीनो
बो ईज कर सकै
जिको आपरै
बूतै खड़ो होवै
जिनगाणी री बारखड़ी
जे सीख जावै
उणनैं मूंडो ताकण री
कांई दरकार
निसांसां न्हांखतो
चालणियो
कीं नीं कर सकै
म्हैं जाणूं हूं
दाळ में काळो है
पण काळै नैं
धोळो बणावण रो
जतन तो आपां नै ईज
करणो पड़सी म्हारा भायला।
