दिल फगत् मैले चढाए थेँ नजर होला भनी
यो दरदले त्यो दर्दमा क्यै असर होला भनी ।
निर्दयी झैँ झन् हृदय टुकडा गर्यौस तरवारले
थाहा थिएन दर्दले तडपी हृदय रोला भनी।
एक म छु कि जुल्म सब हाँसी हाँसी सहिरहेछु
एक तिमी छौ कि दया गरछौ दगा होला भनी ।
एक म छु कि नजरको आँसु पनी साँचिरहेछु
एक तिमी माया बगाउने विरहको खोला बनी ।
फूलको काँढा पनि भमराको निम्ति चिज छ
छैन दृष्टि यो नजरमा विरहले छोला भनी ।
आँसु तक हुन्न निगाह हेर मेरो दुर्भाग्य यो
आँसुको जलले ‘जिगर’को विरह क्यै धोला भनी ।