भारत की संस्कृति के लिए... भाषा की उन्नति के लिए... साहित्य के प्रसार के लिए

दोयां रा मन / इरशाद अज़ीज़

Kavita Kosh से
आशिष पुरोहित (चर्चा | योगदान) द्वारा परिवर्तित 16:38, 15 जून 2020 का अवतरण ('{{KKGlobal}} {{KKRachna |रचनाकार= इरशाद अज़ीज़ |अनुवादक= |संग्रह= मन...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

मन रो सरणाटो
हाको कर्यां कदैई नीं मिटै
मिल कदैई तो
थूं आपो आप सूं

थोड़ी ताळ रैसी
दोयां रै बिचाळै अणबण
रूस मती
फेरूं बात-बंतळ सूं
काम बण जासी
हळका हुय जासी
दोयां रा मन
फेरूं आ नरक बणी दुनिया
सरग बण जासी
मरजाद री
पतळी डोर माथै चालणो पड़सी
इयां हंसणो है
इयां चालणो है
इयां बैठणो है
इयां उठणो है
इयां करो, बियां करो
अर आखी जिनगाणी
घुट-घुट मरो
अै बुरी नजर राखणिया कागला
चूंच तो मारसी।