681
बेलाडोना दरद में, मतली में इपिकाक
राखै छै उपचार में, नक्स भौमिकां धाक
682
सिमिसिफ्युगा ठीक करै, पेशी केरो दर्द
एक डोज ही लायको, नामर्दो के मर्द
683
काम करै सायलिशिया, अगर हुवै दुर्गंध
एक बूंद पोडो करै, तुरत पखाना बंद
684
एपिस, एपोसायनम, सूजन मंे दै काम
रसटक्सो सें कमर दर्द खूब हुवै आराम
685
कमर दर्द में एसकुलस, रसटक्सो के बाद
बाकी के मैक्रोटिने, मेटै छै बुनियाद
686
नाको सें पानी बहै, आबै हरदम छींक
एलियमसिपा छिकै प्रथम, फिरु यूफ्रेशिया ठीक
687
आँखोॅ सें पानी गिरै, आरु आँख लोराय
जोत घठौं यूफ्रेशिया, पहिलो छिकै दवाय
688
घटै काम शक्ति अगर, एग्नस कैक्टस खाय
उच्च शक्ति में लायको, एक डोज लेॅ भाय