दो-दो जोगिनिन के बीच / ब्रजभाषा

दो-दो जोगिनिन के बीच अकेलौ लाँगुरिया॥ टेक
बड़ी जोगिनी यों कहै मोय टीकौ लादे मोल।
छोटी जोगिनी यों कहै मोय हरवा लादै मोल॥
दो-दो जोगिनिन के.
बड़ी जोगिनी यों कहै मोय घड़ियाँ लादे मोल।
छोटी जोगिनी यों कहै, मोय तगड़ी लादै मोल॥
दो-दो जोगिनिनि के.
बड़ी जोगिनी यों कहै मोय साड़ी लादे मोल।
छोटी जोगिनी यों कहै मोय सेला लादै मोल॥
दो-दो जोगिनिन के.
बड़ी जोगिनी यों कह मोय जूड़ौ लादे मोल।
छोटी जोगिनी यों कहै तू लट मेरी दै खोल॥
दो-दो जोगिनिन के.