नयाँ नयाँ घामको किरण / नोर्देन रुम्बा

नयाँ नयाँ घामको किरण नयाँ नयाँ पात यो
नयाँ अब जिन्दगीको मिठो सुरुवात यो

बुटा बुटा चिया बारी आङ्गन यो अजम्बरी
फुलेका ति पसिना मोती दाना वरी परी
एकातिर तिता मिठो हाँसी हाँसी पिएको
नयाँ नयाँ घाम को…..

बादलको देश माथी नाची हिंड्ने परी रानी
मेरो घर आए पुग्छ सुनकेशरी मेरी रानी
सानो खुशी सुहाएको जीवन यो रमाइलो
नयाँ नयाँ घाम को…..

मेरो घर संसार यो सानो एक लाहाना
स्वर्ग हो यो सन्तोकैको ठुलो छैन सपना यो
चाहे जस्तो खोजे जस्तो मैले अब बाँचेको
नयाँ नयाँ घाम को…..