भारत की संस्कृति के लिए... भाषा की उन्नति के लिए... साहित्य के प्रसार के लिए
"नया अतीत लिखोॅ / राहुल शिवाय" के अवतरणों में अंतर
Kavita Kosh से
Rahul Shivay (चर्चा | योगदान) ('{{KKGlobal}} {{KKRachna |रचनाकार=राहुल शिवाय |अनुवादक= |संग्रह= }} {{KKCat...' के साथ नया पृष्ठ बनाया) |
(कोई अंतर नहीं)
|
19:53, 18 फ़रवरी 2020 के समय का अवतरण
कानोॅ नै खाली अतीत पर
नया अतीत लिखोॅ
सच के ड्योढ़ी दीया बारी
बैठी गेलै सांझ
तारा नै झलकै एक्को गो
रात लगै छै बांझ
झौड़ गिरे लागै आँखी सेॅ
अहिनोॅ गीत लिखोॅ
खाली खरखाही, बकथोथी
छै सगरो अँधियार
मातुर सच बांचों तोंही तेॅ
भे जैतै उजियार
जे झगड़ै छैए झगड़ै मातुर
तोंहे प्रीत लिखोॅ
मानै छियै मिलै नै छै अब
बंसी केरोॅ टेर
सबा सेर सब्भै छै आबेॅ
नै झलकै इक सेर
छल-बल केॅ नै जीत गिनाबोॅ
सच केॅ जीत लिखोॅ