भारत की संस्कृति के लिए... भाषा की उन्नति के लिए... साहित्य के प्रसार के लिए

नीला पहाडहरुछेउ / रमेश क्षितिज

Kavita Kosh से
Sirjanbindu (चर्चा | योगदान) द्वारा परिवर्तित 22:48, 25 सितम्बर 2016 का अवतरण ('{{KKGlobal}} {{KKRachna |रचनाकार= रमेश क्षितिज |अनुवादक= |संग्रह= आ...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

यी नीला पहाडहरू कसलाई पर्खिरहेछन् ?
यो बतास कससँग साउती गरिरहेछ ?
डाँडामा घुर्मेलो घाम तल–तल झरिरहेछ
यी रूखमा, गोरेटोमा कसको स्मृति अल्झेको छ !

जिन्दगी हिँडेर उभिएको हुन्छ
उभेर जिन्दगी हिँडिएको हुन्छ
यो सङ्लो नदी, यहाँ युगौदेखि बगिरहेछ
यो बाटोमा उकालीमा कसको आँसु खसेको छ !

यी धुपीका बोटमा सुस्ताई जाने को हो ?
पारि कहीँ मिठो गीत गुन्गुनाउने को हो ?
हिउँदमा झरेका हाँगा–पातहरू पलाइसकेछन्
साँझको आकाशबाट तारा कहाँ झरेको छ !