भारत की संस्कृति के लिए... भाषा की उन्नति के लिए... साहित्य के प्रसार के लिए
नेपालीले माया मार्यो बरी लै / धर्मराज थापा
Kavita Kosh से
Sirjanbindu (चर्चा | योगदान) द्वारा परिवर्तित 10:10, 16 फ़रवरी 2021 का अवतरण ('{{KKGlobal}} {{KKRachna |रचनाकार= धर्मराज थापा |अनुवादक= |संग्रह= }} {{...' के साथ नया पृष्ठ बनाया)
नेपालीले माया मार्यो बरिलै
जन्मेको देशलाई नेपाली भेषलाई
नेपालीले माया मार्यो बरिलै
हिडेको बाटो बारीको माटो
हसियाँ नाम्लो मकैको आँटो
वनको सिठी मेलाकी ठिटी
ऐंसेलु दाना दिउँसोको खाना
नेपालीले माया मार्यो बरिलै
मागेर डुल्छन् आतका भाइ
अरुकै निम्ति लड्दछन् दाइ
रोप्दैछौं हामी काट्दैछौं हामी
दाइँ हाल्छ अर्कै पाखाकै आई
नेपालीले माया मार्यो बरिलै
दार्जिलिङ आसाम बर्माको गोठमा
भाक्सुर सिम्ला लासा औ भोटमा
भै चौकीदार गोठाला कुल्ली
जिन्दगीभर परदेश मै हल्ली
नेपालीले माया मार्यो बरिलै
अरु देश सबै जागेर उठे
हाम्रो त आँखा चिम्लेर सुते
कोही देहरादुन कोही नैनीताल
कोही राँची कुर्दै बिताउछन् काल
नेपालीले माया मार्यो बरिलै
कुवाको पानी मिलेर पिउँला
आमाको छाती कोरेर जिउँला
बिरानो देशका लागेका भाइ
फर्केर हेरिदेऊ नेपाललाई
नमारीदेऊ मायाप्रीति बरिलै
