भारत की संस्कृति के लिए... भाषा की उन्नति के लिए... साहित्य के प्रसार के लिए
पंचयात कौ ताव अलग है / महेश कटारे सुगम
Kavita Kosh से
अनिल जनविजय (चर्चा | योगदान) द्वारा परिवर्तित 16:03, 11 जनवरी 2015 का अवतरण ('{{KKGlobal}} {{KKRachna |रचनाकार=महेश कटारे सुगम |अनुवादक= |संग्रह= ...' के साथ नया पन्ना बनाया)
पंचयात कौ ताव अलग है
जौ तौ सुनौ चुनाव अलग है
एम०एल०ए० संसद कौ नईंयाँ
सरपंची कौ भाव अलग है
दारू मुर्गा पैसा के संग
और जाल फैलाव अलग है
एक-एक वोटन के लानें
लोगन कौ उलझाव अलग है
मुर्दा गड़े उखर कें आवें
अपनौ-अपनौ घाव अलग है
धोबी पाट टंगडिया कैंची
सबकौ अपनौ दाँव अलग है
आन-बान है कोउ के लानें
कोउ कौ कितऊँ झुकाव अलग है
