भारत की संस्कृति के लिए... भाषा की उन्नति के लिए... साहित्य के प्रसार के लिए
पडूत्तर / संजय पुरोहित
Kavita Kosh से
Neeraj Daiya (चर्चा | योगदान) द्वारा परिवर्तित 16:08, 28 नवम्बर 2015 का अवतरण ('{{KKGlobal}} {{KKRachna |रचनाकार=संजय पुरोहित |संग्रह= }} {{KKCatKavita}}<poem>क...' के साथ नया पृष्ठ बनाया)
कुण हूं म्हैं
कांई है जीवण
कुण है करतार
म्हारा सवाल
खावै हा म्हनैं
मांय रा मांय
अर म्हैं
रैयौ भटकतौ
अर भाजतौ
इन्नै, बिन्नै
बिन्नै इन्नै
मून री रिंधरोई में
आकळ-बाकळ
सरणाटै सूं
उथपोळौ
पडूत्तर सोझतौ
नीतेज हुय‘र
लियो अंतस रो
आसरौ
तो आयो पडूत्तर
कवि है थूं
रचाव थारौ जीवण
अर
आखर थारौ करतार
