सभ्भे जग्घऽ केरऽ भाँसऽ
साफ होय गेलै
हजारौं मन कचरा शहर के
बगल केरऽ नद्दी में
उढ़ेली देलऽ गेलै
बचलऽ खुचलऽ औढ़ी में
नुकाय देलऽ गेलै
नौटंकी होलै मानुस मन केॅ
खंङारै के भी
आयोजन भेलै
सेमिनार, विचार गोष्ठी ढेर-ढेर
सम्मेलन महासम्मेलन
पर मानव मऽन पर पड़लऽ
मैल केरऽ परत
आरो मोटऽ होलऽ गेलै
पर्यावरण में साल भरी
तीन सौ चौसठ दिनां
गंदगी फैलाय केॅ
एक दिना में एकरा
साफ करी लै केरऽ
विकृत मनोवृत्ति पाबी केॅ।