भारत की संस्कृति के लिए... भाषा की उन्नति के लिए... साहित्य के प्रसार के लिए

पळपाळट करती रोसणी री चोट देखो / सांवर दइया

Kavita Kosh से
यहाँ जाएँ: भ्रमण, खोज

पळपाळट करती रोसणी री चोट देखो
चूंधा हुया लोग : खुलै कोनी होट देखो

डुसका भर मां री छाती रै चिपगी छोरी
हाथां में लियां थोड़ा-घणा ऐ नोट देखो

चाम-चासणी में डूबी है आ मन-माखी
ऊसी-बूसी लागै नुंवी अबोट देखो

भोर-सिंझ्या-रात सूवै साव नागी तडंग
कामी सूरज रै मनां जागै खोट देखो

तपतै धोरां खातर कुण छोड़ै आ बोलो
ऐ मखमली ढोलिया : गळागच रोट देखो