Last modified on 3 जुलाई 2011, at 20:15

पाँखुरी लै साजी सेज सेवती की बेलिन / शृंगार-लतिका / द्विज

मनहरन घनाक्षरी
(ऋतुराज के आगमन से सहचरों को अतिशय आनंद की प्राप्ति का वर्णन)

पाँखुरी लै साजी सेज सेवती की बेलिन, चमेलिन हूँ सरस बितान-छबि छाई है ।
फैल्यौ चहूँ गहब-गुलाबन कौ गंध धूरि, धूँधरित सुरभि-समीर सुखदाई है ॥
चारयौं ओर कोकिल-चकोर-मोर-सोरन सौं, और छिति छोरन अनंद अधिकाई है ।
आज ’ऋतुराज’ के समागम के काज होत, धाम-धाम बेलिन कैं आनँद-बधाई है ॥२९॥