पुछां थो मां त ही थिए छा थो! / अर्जुन हासिद

पुछां थो मां त ही थिए छा थो!
चवनि था, तुंहिंजो पर वञे छा थो!

ज़मीन लाल लाल छो आहे,
अलाए जे़हन में जले छा थी!

गुनाह, ॾोह शान में ॻणिजनि,
ॾिसूं था शान जो बणे छा थो!

नज़र न कुझ अचे थो ऊंदहि में,
तॾहिं बि हरको इअं तके छा थो!

बज़ार में बिही थो टहक ॾिए,
चरियो त आहि, पर चवे छा थो!

अदब खे महफ़िलुनि माणण लइ,
वञूं त था, मगर हुजे छा थो!

मिजाज केॾो थो रखे हासिद,
सदियुनि खां थो लिखे, लिखे छा थो!