प्रेम सौरभ सुवासित ई संसार छै,
हार में जीत छै, जीत में हार छै।
मन कोमल गगन के ई विस्तार छै,
प्रेम रवि सें ही ज्योतित ई संसार छै।
प्रेम से ही वसंत के आस-विश्वास छै,
प्रेम छै तेॅ जिनगी में हास-हुलास छै।
एक विश्वास छै ई जहाँ दू कमल खिलै,
त्याग नौका पर बैठी केॅ दू दिल मिलै।
जगत में प्रेम के महिमा बड़ी अपार छै,
बाधा बंधन सें ई उपर, ई जीवन के सार छै।
प्रेम सें बनै छै आदमी सच में महान,
प्रेम धरती पर ईश्वर के अवतार छै।