फ़ज़ा आ मस्त मगर प्यार जी सा बात किथे?
ॿुधाइ चंड! उहा मुंहिंजी सुहिणी रात किथे?
आ कहिड़े शोर में संगीतु दिल जो गुम थी वयो
जियारियो जंहिं थे उहा शाइराणी ॾाति किथे?
शगुफ़्तगी भला एॾी बि ज़िन्दगीअ में छो?
गुलन जो शौक़ एं कोयल जी प्यारी लाति किथे?
छा मुंहिंजी सादिगी आहे कि हुन जी मिटड़ी बात
फ़क़त थो रूपु मटाए सितम, निजात किथे?
ग़मे जहान ते किअं थिए असरु मुहबत जो
फ़सूने इश्क़ किथे? मुंहिंजी मुशिकलात किथे?
मां ॾोहु पंहिंजे अखियुनि खे ॾियां, नज़ारे खे?
असां जे दिल जी उहा ‘शाद’ काइनात किथे?