भारत की संस्कृति के लिए... भाषा की उन्नति के लिए... साहित्य के प्रसार के लिए

फुल गजरा ओ दाई बर / छत्तीसगढ़ी

Kavita Kosh से
Dkspoet (चर्चा | योगदान) द्वारा परिवर्तित 01:29, 13 अक्टूबर 2016 का अवतरण (Dkspoet ने फुल गजरा ओ दाई बर / छत्तीसगढी पृष्ठ फुल गजरा ओ दाई बर / छत्तीसगढ़ी पर स्थानांतरित किया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

   ♦   रचनाकार: अज्ञात

फुल गजरा ओ दाई बर , फुल गजरा ।
गुथौँ महामाई के बर , फुल गजरा ॥

काहेन फूल के गजरा , अव काहेन फूल के हार ।
काहेन फूल के माथे मकुटिया , सोला हो सिंगार ॥
माइ बर फूल गजरा ओ दाई बर फुल गजरा ।
गुथौँ हो मालिन के अंगना , फुल गजरा ॥

चंपा फूल के गजरा , चमेली फूल के हार ।
मोंगरा फूल के माथे मकुटिया , सोला हो सिंगार ॥
माइ बर फूल गजरा ओ दाई बर फुल गजरा ।
गुथौँ हो मालिन के अंगना , फुल गजरा ॥

कौन माइ बर गजरा , अव कोन माइ बर हार ।
कोन माइ बर माथ मकुटिया, सोला हो सिंगार ॥
माइ बर फूल गजरा ओ दाई बर फुल गजरा ।
गुथौँ हो मालिन के अंगना , फुल गजरा ॥


बुड़ी माइ बर गजरा , अव मंझली माइ बर हार ।
सीतला माइ बर माथ मकुटिया, सोला हो सिंगार ॥
माइ बर फूल गजरा ओ दाई बर फुल गजरा ।
गुथौँ हो मालिन के अंगना , फुल गजरा ॥