भारत की संस्कृति के लिए... भाषा की उन्नति के लिए... साहित्य के प्रसार के लिए
बहसल बटोहिया / मनीष कुमार गुंज
Kavita Kosh से
Rahul Shivay (चर्चा | योगदान) द्वारा परिवर्तित 05:27, 18 सितम्बर 2017 का अवतरण
केकरोॅ जे लागलै नजरिया
ससरी के फूटलै गगरिया।
दसगदा कूईयां सावा कोश दूरी
बहसल बटोहिया ताकै घूरी-घूरी
कंकड़ सेॅ भरलोॅ डगरिया
केकरोॅ जे लागलै नजरिया।
गोमों के सोहदा सिसकारी बजाबै
सुनी-सुनी संगों के सखिया लजाबै
हाँस्सी कके बोलै सँवरिया
केकरोॅ जे लागलै नजरिया।
सावन महीना झमा-झाम झरिया
हपकै ले दौड़ै छै गुज-गुज अन्हरिया
‘गुंजो’ के नहीरा खगड़िया
केकरोॅ जे लागलै नजरिया।
