भारत की संस्कृति के लिए... भाषा की उन्नति के लिए... साहित्य के प्रसार के लिए
बाँट-बखरा में सुख-दुख बँटा गइल बा / पी.चंद्रविनोद
Kavita Kosh से
Mani Gupta (चर्चा | योगदान) द्वारा परिवर्तित 16:11, 1 अक्टूबर 2013 का अवतरण ('{{KKGlobal}} {{KKRachna |रचनाकार=पी.चंद्रविनोद |अनुवादक= |संग्रह= }} {...' के साथ नया पन्ना बनाया)
बाँट-बखरा में सुख-दुख बँटा गइल बा,
अपना माटी के खूशबू लुटा गइल बा
घुप अन्हरिया के जादू चढ़ल माथ पर,
चाँदनी उनका घर में छिंटा गइल बा
बिन बदरियों इहाँ पर ना आवेला घाम,
के दो सूरुज के चुपके लुका गइल बा
मोर नाचेला, हो-ईहो अब किस्सा भइल,
एह परिन्दा के सब पर कटा गइल बा
बोल तल्फत अंगारी बनल बा तबो,
नाँव उनकर अनेरे रटा गइल बा
अब सपनवो में कबहूँ पुकारब ना हम,
का कहीं दिल ई, दिल में सटा गइल बा
