भारत की संस्कृति के लिए... भाषा की उन्नति के लिए... साहित्य के प्रसार के लिए
बाँसुरी / रामनाथ पाठक 'प्रणयी'
Kavita Kosh से
Mani Gupta (चर्चा | योगदान) द्वारा परिवर्तित 12:20, 30 सितम्बर 2013 का अवतरण ('{{KKGlobal}} {{KKRachna |रचनाकार= रामनाथ पाठक 'प्रणयी' |अनुवादक= |सं...' के साथ नया पन्ना बनाया)
बाज रहल बाँसुरी अरार पर कि धार पर ?
सुधा भरल धइल जहाँ,
कि मन उलझ गइल जहाँ
प्रान भइल बावरा श्रृंगार पर कि प्यार पर ?
बाज रहल बाँसुरी अरार पर कि धार पर ?
गते-गते जगा गइल,
कि मीत के सुना गइल,
झूम उठल कल्पना गुलाब पर कि खार पर ?
बाज रहल बाँसुरी अरार पर कि धार पर ?
मधुर अँजोर दा गइल,
कि पास भोर आ गइल,
चाननी चिहुक चलल दिवार पर कि द्वार पर ?
बाज रहल बाँसुरी अरार पर कि धार पर ?
