बीघोड़ी / रेंवतदान चारण

धरती नै सींचां म्है तौ लोहीड़ै री धार
इतरी कीकर मांगै ओ बीघोड़ी सरकार?

छाळा पड़ग्या सूड़ करता, हाथां आई-ठांण
कम्मर हुयगी बेवड़ी जी करतां निदांण
तोई कीकर मांगै औ बीघोड़ी सरकार?

पांणत करै पांणतियौ रै सियाळै री रात
छुल गई चांमड़ी, चिरीज गया हाथ
पच्छै कीकर मांगै औ बीघोड़ी सरकार?

खेत खड़ां हळ बीजां, पांणी बांधां पाळ
हिवड़ै सूं मूंघी राखां खेती नै रूखाळ
जणै कीकर मांगै औ बीघोड़ी सरकार?

नैना नैना टाबरां रौ मन बिलमाय
आधी आधी भूख काडां पांणीड़ौ ई पाय
तोई कीकर मांगै औ बीघोड़ी सरकार?

होळी नै दीवाळी आवै तीज रौ तिंवार
नवै दिन निरणी रैवै जापै सूती नार
पच्छै कीकर मांगै औ बीघोड़ी सरकार?

धरती नै सींचां म्हैं तौ लोहीड़ै री धार
इतरी कीकर मांगै औ बीघोड़ी सरकार?

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

बीघोड़ी / रेंवतदान चारण

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग